نوفيلا ريم بقلم عبير سليم

الحلقه الأولى 
في إحدى المناطق الشعبيه بإحدى المنازل المتوسطة الحال تدخل الغرفه على ابنتها فتتفاجأ أنها جالسه على فراشها و هي شاردة الفكر ريم انتي لسه قاعده ملبستيش كده حنتاخر يا ريم
ريم ياربي عليكي يا ماما هو انا مش قلتلك اني مش رايحه معاكم 
فاطمه كده بردو يا ريم معقوله بردو متحضريش فرح مستر يوسف انتي عاوزاه يزعل منك ده مأكد علينا اننا لازم نحضر كلنا و لو مروحتيش حيزعل منك اوي 
ريم و ايه اللي يزعله لو مروحتش
فاطمه اللي حيزعله ايه يعني انتي بزمتك مش عارفه غلاوتك عنده ازاي و انه بيعتبرك اخته الصغيره ده انتي مولوده على ايده يا ريم 

ريم ييه عارفه يا ماما الكلام ده قلتيهولي مليون مرة و حفظته بس بردو مش رايحه و عالعموم اطمني هو الليلادي مش حيشوف غير عروسته و بس و لا حياخد باله مين اللي راح و مين اللي مراحش فسيبيني بقى فحالي و روحي انتي و بابا و متعطلوش نفسكم 
فاطمه اسيبك في حالك طب إيه رأيك بقى اني مش متحركه من هنا غير لما اعرف انتي ليه مش عاوزه تروحي معانا الفرح 
ريم ييه هو بالعافيه مش عاوزة اروح فيها ايه دي ياربي انا مش فاهمه 
فاطمه بس انا بقى فاهمه يا ريم 
ريم فاهمه ايه يا ماما 
فاطمه هاتي عينك في عيني و انتي تعرفي اني فاهمه اللي دماغك ايه يا بت بطني 
ريم انتي تقصدي ايه يا ماما
فاطمه أقصد اللي أنا قلبي حاسس بيه من زمان بس كنت بكدب نفسي و اقول مش معقول دي ريم عيله لسه بتلعب في الشارع و مش معقوله تفكر في مدرسها بالشكل ده أكيد هي بتحبه زي اخوها لكن الظاهر ان شكي كان في محله انتي بتحبي يوسف يا ريم كده و اللا انا غلطانه 
ريم  
فاطمه اسمعي يا ريم انا لا حمد ايدي عليكي و لا حتصرف معاكي تصرف يزعلك لأني عارفه و مقدره كويس انك صغيره و مش فاهمه حاجه و لا عارفه تخللي مشاعرك تروح في سكتها الصح لكن انا حقولك كلمتين و يارب تفهميهم كويس 
الحب لا هو عيب و لا حرام و اللي انتي فيه ده شئ طبيعي بيعدي على كل بنت و كل ولد و لو ده محصلش مع حد فيهم يبقوا اكيد فيهم حاجه غلط لكن الصح اننا نفكر قبل ما نسيب نفسنا ترمينا حسب هواها و تتحكم فينا و تضيعنا و على راي المثل اللي يمشي ورا هواه يخللي عدوه يجري وراه 
يوسف جارنا و عشرة عمرنا كله و زينة الشباب كلهم يوم ما اتولدتي كان هو داخل الثانويه العامه يعني أكبر منك بسبعتاشر سنه ده عمر تاني يا حبيبتي طول عمره بيلاعبك و بيشيلك على كتفه و ياما اشترالك حاجات حلوة و انتي صغيره و ياما عملتيها عليه و بهدلتيله هدومه و لما كبرتي بقى بيذاكرلك مع اخته اللي من سنك و اعتبرك زيك زيها و طول عمره شايل همك عشان عارفك خايبه و بتعدي بالعافيه و لما ډخلتي المدرسه عنده بقى موصي عليكي كل المدرسين و بيقوللهم دي اختي الصغيره و طول عمره بيعاملك عالأساس ده يبقى ايه اللي يخليكي تحبيه و تتعلقي بيه هو كان عشمك بحاجه قالك حاجه 
ريم لاء يا ماما بس انا و الله 
فاطمه عارفه يا ريم عارفه انك حبتيه من غير ما تحسي بصراحه هو يتحب ما شاء الله عليه طول بعرض جمال و أخلاق و كفايه انه مرضاش يتجوز غير بعد ما جوز اخواته البنات و اطمن عليهم ده يتشال عالراس و يستاهل ست البنات بس البنات اللي من سنه يا نور عين أمك اللي تكون اصغر منه بسنه باتنين بخمسه بعشره لكن مش سبعتاشر سنه يا ريم 
اسمعي من امك يا ريم امك اللي محدش في الدنيا دي كلها بيحبك و لا بيتمنالك الخير ادي 
انا لو علية نفسي اشوفك عروسه النهارده قبل بكرة و بحلم باليوم اللي اشوفك فيه بالفستان الأبيض و بتتزفي لعريسك لكن مش مع اي عريس مع العريس المناسب ليكي يا ريم يكون شاب من سنك تحبوا بعض و تفهموا بعض و يبقى تفكيركم قريب من بعض لكن الكبير ده حتتعبي معاه و مش حتستريحي وياه حتبقي انتي ف وادي و هو ف وادي تاني خالص و كل واحد فيكم حيكون ليه عقله و تفكيره حتبقي انتي لسه عاوزة تجري و تلعبي و تتنططي و تعيشي حياتك و هو شبع من الدنيا خلاص و عاوز يرتاح و يعيش في هدوء و انتي أصلا تجني بلد 
و حياتك عندي لبكره تبصي على كل ده و تضحكي و تقولي ايه الهبل اللي انا فيه ده معقوله كنت بحب استاذي انا عقلي كان فين 
ريم لا يا ماما مش