رواية رائعه بقلم منه مجدي
معاكي صورة ليه
ملك: ليه
اميرة: علشان اشوفه ياختي
ملك : اه
اخرجت ملك صورته من هاتفها وعرضتها علي اميرة
اميرة: الراجل حليوة اهو
ملك بخجل : اتلمي يا اميرة
اميرة: انتي لسه بتتكسفي يا بيضه
ملك: اه واسكتي بقي
اميرة : بس ايه هو اياد دا حجر يعني
ملك: متقوليش عليه كده والله دا طيب وحنين جدا
اميرة : طيب وحنين
طول عمرك هتفضلي كده هبله وساذجة
وياتري هتفضلوا اخوات كده لحد امته
ملك بخجل : اميرة !!!
اميرة بحدة : بلي اميرة بقي بلا بتاع
مادام هو مش عاوز يتفك بالزوق نفكه احنا بالعافية
ملك: ازاي
اميرة: تعالي معايا
ملك: هنروح فين
اميرة: انتي مش خلصتي شغلك
ملك: اه
اميرة: يبقي كفايه رغي بقي ويلا بينا علشان متتاخريش
ملك: بس انا لازم اكون في البيت قبل ميعاد اياد
اميرة: اممم هنبتديها بقي طيب يا ختي هو بيرجع امته
ملك: لسه شويه كتير
اميرة: خلاص بقي كفايه لوك لوك لوك ويلا بينا
وذهبا الي احد المولات
اميرة: الا قوليلي ياملك انتي بتلبسي ايه وانتي في البيت
ملك: يعني ايه
اميرة: يعني بتلسي طويل ولا قصير ولا ايه
ملك بتلقائية : لا طبعا طويل ومتغطي وكم طويل
اميرة: يادي الوكسه ياربي
الطم
يابنتي دا جوزك مش راجل غريب
وهو حب انجي لانها بنوته حلوة كده وشيك
ومنفتحه مش قفل زيك
ملك: بس متقوليش قفل
منا بتكسف يا اميرة
اميرة: طيب ياقفل
مبدايا اللي هقولك عليه تعمليه بالحرف
لو فعلا عاوزة اياد يتجنن بيكي وينسي انجي
ملك: ماشي
اميرة: اولا هدومك المتغطيه دي وزعيها
ملك: وهلبس ايه بقي
اميرة: هتلبسي ايه دي بقي شغلتي
ملك: طيب
دخلا الي المحلات لشراء ملابس اكثر شياكة وانوثه من وجهه نظر اميرة ولكن كان لملك راي اخر
ملك: انا استحاله البس الكلام دا
دا عريان اوي
اميرة: دا مش عريان ياملك
ملك: لا لا يعني لا
اميره: هو دا اللي المفروض تلبسيه
اسمعي كلامي وهتدعيلي
ملك: لا طبعا انا استحاله البس الكلام دا قدامه
هيقول عليا بنت مش كويسه
ظلت اميرة تضحك ما يقرب ساعه
اميرة: انتي هبله ياحبيبتي متحسسينيش اني بقولك اشربي مخډرات
دا جوزك يا حاجه يعني لازم يقول كدة اصلا وهو دا اللي المفروض تلبسيه ياماما
وبعد عدد من المناقشات والمحاولات والاقناعات رضخت ملك واخيرا لكلام اميرة ووافقت ان ترتدي تلك الملابس
عادت الي المنزل ووضعت ملابسها الجديده في الخزانه وارتدت هوت شورت جينز وتيشرت باللون الابيض ولكن به بعض التطريزات من نفس القماش المصنوع منه الشورت وتركت شعرها بحريه
خرجت لكي تستقبله كعادتها ولكنه فقد النطق ما ان راها فكانت جميلة للغايه في تلك الملابس
شعرت هي بالخجل الشديد اثر نظراته
ملك : حمد لله علي السلامه
اياد: هاه
ملك: حمدا لله علي السلامه
اياد: اه
الله يسلمك
ملك: حالا هحضرلك الغدا
اياد: ماشي
وذهب لكي يبدل ملابسه
اياد : الله يخربيتك ياملك ايه الحلاوة دي
اما ملك فكانت تشعر بالخجل الشديد
ملك: الله يسامحك يا اميرة ايه اللي خلاني اسمع كلامك
هيقول عليا ايه دلوقتي اكيد هيقول عليا اننا بنت مش كويسه
يادي النيله اللي انا فيها
اعدت الطاوله وجلسا سويا لتناول الغداء
كان اياد تقريبا لا يفعل اي شئ سوي النظر اليها
اما ملك فكادت تفقد وعيها من فرط خجلها
وبعد الانتهاء
ساعدها اياد في التنظيف وفي ترتيب الطاوله
كادت ملك ان تكسر العديد من الاطباق بسبب توترها
لوجود اياد قريب منها هكذا
وبعد الانتهاء خرجا سويا لمشاهده التلفاز
كان اياد مبهور بهذا التغير
اما ملك فكانت تتبع نصائح اميرة في ما ترتدي وكيف تتصرف وهكذا
وبالفعل بدا اياد في نسيان انجي تماما واحتلت مكانتها ملك بل اصبح لا يري اي امراه اخري سواها
وفي احدي الايام بينما كانا يتناولان طعامهما
سمعا احدا يطرق علي الباب
اياد : هروح اشوف مين متتحركيش
ملك : حاضر
ذهب هو ليفتح الباب
ولكنه صدم مما راياسيرة العشق
الفصل الحادي عشر
اياد: انجي!!!!!!!
انجي: ازيك يااياد
لم يعرف ماذا يقول
اياد: اتفضلي
دلفت انجي الي الداخل اما اياد فظل في مكانه مبهوتا
انجي: انت لوحدك
اياد: لا ثواني
ملك ياملك
خرجت ملك
ملك : مين اللي كان علي......
توقفت عن الحديث ما ان راتها امامها
ملك پصدمه: انجي!!!!!!!!!
انجي: ازيك ياملك
وكالعاده قلب ملك يعمل قبل عقلها فاحتضنتها بقوة
ملك : الحمد لله انتي كويسه
انجي: الحمد لله
ثم تابعت پبكاء
انجي: انا اتبهدلت يا ملك
ملك: ايه!!!!!!ليه ايه اللي حصل
ملك: انا اسفه اقعدي الاول
تحبي اعملك حاجه تشربيها او تاكليها
انجي: لا شكرا
ملك: احكيلي طيب
ما زاد صدمة اياد هو رد فعل زوجته فكيف يمكن لها ان تفعل هذا
كيف يمكن لشخص ان يكون بمثل هذه السذاجة
قصت عليهما
