رواية غصون في مهب الريح بقلم عبير سليم

لوحدي فقلت اجي اضيع الوقت شويه مع بابي وعشان عارفه ان بابي مش فاضيلي قلت لغصون تيجي معايا فعشان خاطري انا متتضايقش انها جت 
محمود لا ياحبيبتي انا مش ممكن طبعا اتضايق ما دامت معاكي
ربنا يديم بينكم المحبه يارب 
فريده حبيبي يا اونكل محمود طب انا بقى حاخد نونا و ندخل نسلم على بابي 
محمود ماشي يابنتي 
تحتضنه غصون بحبك أوي يا بابا 
محمود ماشي ياتحفه ياللا اتفضلي مع صاحبتك 
تستئذن فريده السكرتيرة و تفتح الباب بابي حبيبي انا جيت 
يبتسم لرؤية ابنته فيتحرك ناحيتها ويحتضنها بشده حبيبة بابي انتي 
يتحدث لغصون ازيك يا قمر عامله ايه ياحبيبتي 
غصون الحمد لله يااونكل 
فريده وهي مازالت تحتضنه بزمتك يانونا عمرك شفتي أب حلو اوي كده ايه الطعامه دي يا زين باشا بابي مز ياناس 
زين هههههههه يابكاشه 
فريده كده بردو يابابي بقى انا بكاشه طب بزمتك يا غصون انا بكاشه بردو 
غصون بصراحه يا اونكل حضرتك فعلا أمور أوي واصحابنا مش مصدقين ان حضرتك بابا فريده 
زين حبيبتي يا نونا انتي 
المهم قولولي بقى عاملين ايه ياقطاقيط في المذاكرة 
غصون تانيه ثانوي دي صعبه أوي يا اونكل فيها مواد كتير اوي وانا خاېفه أوي 
زين مفيش حاجه صعبه عاللي بيذاكر ياغصون 
غصون نفس كلمة ماما اللي كل شويه تقولهالي
فريده بابي هو حضرتك مينفعش تذاكرلنا شويه في الجيبرا أو الجيميتري عشان تقيله أوى علينا 
زين حاضر من عيوني يا ستي بصوا احنا بكرة الجمعه وانا معنديش حاجه إيه رأيكم نتغدا سوا وبعد كده أقعد طول النهار معاكم بس يارب شرحي يعجبكم
غصون بجد ياانكل حضرتك حتذاكر لنا
زين أيوة طبعا بجد اهو عالأقل أسلي نفسي معاكم ودلوقتي بقى اتفضلوا من غير مطرود ورايا شغل
فريده إيه ده انا كنت عامله حسابي حقعد معاك لحد ما نروح سوا
زين بس انا لسه قدامي شغل كتير أوي يا فريده و حتزهقي ياحبيبتي
فريده طب أنا أعمل إيه دلوقتي أنا مش عاوزة أروح أقعد لوحدي في البيت
غصون تيجي معايا وآخر النهار بابا يروحك
زين خلاص يا ديده روحي قضي اليوم مع صاحبتك و انا ياستي بعد ما اخلص شغل حعدي عليكي اخدك
قشطه
فريده قشطه يابرنس
غصون ايه ده اونكل حضرتك بتتكلم زينا
زين اه شفتي بقى ياللا بقى عطلتوني
يخرجان من عنده و هما يضحكان
بعد قليل يصلان إلى البيت وتتفاجأ هبه بفريده فترحب بها وتسعد بها كثيرا فهي تحبها كإبنتها
وحشتيني يا فريده 
فريدهحضرتك وحشتيني اكتر ياطنط
غصون ماما أنا وفريدة حنقعد مع بعض شويه لحد ما تعمليلنا الغدا
هبه ماشي ياست غصون
فريده طب حضرتك مش محتاجه مساعده ياطنط
هبه منحرمش منك يا حبيبتي لا ياروحي ادخلي مع صاحبتك لحد ما ييجي عمك محمود وناكل كلنا مع بعض
بعد مرور بعض الوقت حيث انصرف جميع العاملين بالشركه 
ينهض زين من مقعده ويحمل حقيبته ليتوجه خارج الشركه فيتفاجأ بأن محمود لازال يعمل بمكتبه محمود هوانت ممشتش
محمود كنت بخلص الشغل وخلاص قايم أهوه 
زين النهارده كان يوم كله تعب عاوز اخد فريده واروح ارتاح
محمود لا تروح فين انت حتطلع عندنا نتغدا سوا و بعدين تمشوا براحتكم 
زين ربنا يخليك يا محمود خليها مرة تانيه ان شاء الله 
محمود هو انا بعزم عليك و الله حزعل 
زين لا طبعا يا محمود ده انت صاحبي وانا ميخلصنيش زعلك خلاص ياسيدي نتغدا سوا 
محمود تمام اتفضل وانا دقايق وححصلك
يسبقه زين ويقوم محمود بالاتصال على زوجته ليبلغها بمجئ زين معه 
يتوجه كل منهما نحو سيارته وبعد القليل من الوقت يصلان أمام البنايه التي يقطن بها عائلة محمود فيصعدان سويا ويقوم محمود بفتح الباب اتفضل البيت نور والله
زين البيت منور بيكم يا محمود 
تأتي هبه لتسلم عليه وترحب به ثم تطلب من غصون و فريده ان يساعداها في إعداد المائده وبعد قليل يتجمعون جميعهم حول مائدة الطعام
زين الله الأكل طعمه حلو أوي تسلم ايدك يا مدام هبه
هبه بالف هنا وشفا ده حضرتك منورنا والله يا بشمهندس 
زين ربنا يخليكي يارب 
يتناولون الطعام وهم بيتبادلوا الأحاديث مع بعضهم 
هبه مدام صفا عامله ايه دلوقتي 
زين الحمد لله على كل حال 
هبه مش حترجع قريب 
زين حترجع شويه و تسافر تاني ان شاء الله 
هبه ربنا يكمل شفاها على خير يارب 
زين يارب 
غصون هي علاج طنط صفا مش متوفر هنا فمصر يا اونكل 
زين لا طبعا ياحبيبتي متوفر اكيد بس الصراحه برة العلم متقدم أكتر وفي اهتمام أكبر بكتير 
محمد ربنا يشفيهالكم و يرجعهالكم بالف سلامه يارب 
يأخذهم الحديث حتى يمر عليهم الوقت فيستئذن منهم ويأخذ ابنته ويمشيان
يجلس محمود وغصون نائمه في أحضانه
هبه ايه ياكتكوته مش تقومي تذاكري بقى 
غصون لاء انا عاوزه اقعد فحضن بابا شويه 
هبه وحضني انا نسيتيه خلاص ياست غصون 
غصون يالهوي ده أحلى حضڼ في الدنيا كلها حضنك يامزتي ربنا ميحرمنيش منه يارب 
هبه ياحبيبتي يانونا ربنا يفرحني بنجاحك ويطمن قلبي عليكي يارب 
عارف يا محمود انا فريده صعبانه عليا أوي إنها محرومه من حضڼ أمها أنا عارفه والله ان باباها مش حارمها من حبه ولا حنانه بس الأم حاجه تانيه خالص 
محمود ربنا يشفيهالها يارب 
غصون بابا أنا دايما بشوف حضرتك و اونكل زين بتعاملوا بعض كأنكم أصحاب وجه عندنا كذا مرة هو انتوا أصحاب أوي كده وكمان نفسي أعرف هي طنط صفا تعبانه من زمان يا بابا 
محمود طب سؤال سؤال طيب عشان أعرف أجاوبك بصي ياستي أنا ححكيلك الحكايه باختصار بقى يا ست غصون بابا عمو زين الله يرحمه كان لسه بادئ الشركه دي و وقتها والدي الله يرحمه كان شغال عنده وانا و زين وقتها كنا في الجامعه بس مكناش نعرف بعض لكن لما كنت بروح أزور جدك كنت بشوفه و مرة على مرة بدأنا نتعرف على بعض وارتحنا لبعض في الكلام وبقينا أصحاب ويا دوب خلصنا الجامعه واحنا الاتنين بقينا في الشركه وجدك وباباه مكنش عندهم غيرنا وكانوا عاوزين يفرحوا بينا وسبحان الله احنا الاتنين اتجوزنا فوقت واحد واحنا صغيرين وجيبناكم ويصدف القدر اننا منخلفش غيركم انا مجبتش غيرك و زين مجبش غير فريده بس و بعدها جدك اتوفى وبعدها بفتره والد زين هو كمان اتوفى و زين اتولى كل أمور الشركه 
واعتمد علية فحاجات كتير في الشركه و الحمد لله ربنا قدرني اني اقوم بواجبي و زياده
و مرت السنين و انتوا كبرتوا شويه ولما جيتوا تدخلوا المدرسه مكنتش عارف ادخلك فين لقيته قاللي ان في مدرسه لغات لسه فاتحه وبيقولوا عليها كويسه أوي وهو اللي راح بنفسه وقدم ورقكم انتو الاتنين فيها ومرت الايام و السنين و من حوالي خمس سنين تقريبا مامت فريده تعبت وطلع عندها کانسر و للأسف ما ارتاحتش في العلاج هنا وسافرت تتعالج بره وكل فتره بتسافر تاخد علاجها وتقعد هناك شويه و ترجع 
غصون انت عارف يابابا برغم علاقتي القويه بفريده بس مبحاولش اتكلم خالص في موضوع مامتها عشان بحسها بتزعل اوي حتى مسألتهاش هي قاعده لوحدها و اللا مع حد ومين اللي بياخد باله منها 
محمود أختها ياغصون ما هي ليها أخت عايشه هناك بتراعيها وبتاخد بالها منها 
غصون ربنا يشفيها يارب 
محمود والله زين ده صعبان علية مراته تتعب و هو لسه فعز شبابه و ميلحقش يفرح ومسئولية البنت عليه ربنا يقويه عاللي هو فيه 
هبه نصيبه يامحمد و بعدين ما هي كمان متمتعتش بشبابها وعمرها ضاع في المستشفيات و بعدين لو هو اللي كان حصل معاه كده مش كانت حتقف معاه وتستحمل ولا كانت حتقول شبابي راح و لا مسئولية العيال علية
محمود ياساتر يارب وهو انا قلت ايه عشان تطلعي فية كده ده انتوا الستات أعوذ بالله منكم 
هبه احنا اللي أعوذ بالله واللا انتوا لو الراجل مراته تتعب واللا ټموت الناس تقول يا عيني والراجل محتاس وحقه يتجوز لكن لو الراجل هو اللي تعب واللا اتكل على الله يبقى لازم تقعد عالعيال وتفف جمب جوزها ولو فكرت بس تقول عاوزه اتجوز واللا اعيش اللي معشتوش تبقى مش اصيله ومش محترمه وبيها و عليها 
محمود هو انا قلت إيه لكل ده ياناس تصدقي أنا غلطان إني بتكلم معاكي أصلا 
أنا قايم أنام 
هبه اتفضل يااخويا قوم 
غصون مالك بس ياماما هو بابا قال إيه بس 
هبه ولا حاجه ياحبيبة أبوكي هو مقالش حاجه أنا اللي ست مفتريه ياللا قومي بقى شوفي حالك انتي كمان
تقوم هبه بإعداد كوبين من القهوه وتدخل إليه بالشرفه التي دائما يهوى الجلوس بها حبيبي ياناس مقموص طب انا جيبالك فنجان القهوه اللي بتحبه عشان نشربه سوا 
محمود يالهوي عليكي انا مش عارف انتي بتتحولي كده إزاي 
هبه الله مش بعبر عن وجهة نظري لكن وجهة نظري حاجه وانت حاجه تانيه ياحوده وبعدين دي نقره ودي نقره يا آبو غصون
محمود هههههه حبيبتى يا هوبه نشرب فنجان القهوه بقى 
هبه ربنا يخليك لية يا حبيبي يارب
محمود طب بقولك إيه أنا شايف ان الجو برد ماتيجي ندخل جوة وادفيكي
هبه هههههههه اه ياشقي طب حروح اشوف البنت نامت واللا لسه واجيلك
محمود ماشي بس متتأخريش يا هوبه
هبه ثانيه واكون عندك يا قلب هوبه
يتحرك من الشرفه ويتجه بداخل الغرفه فجأة يستمع لصوت صرخه عاليه تصدر منها تجعل كوب القهوة ينقلب منه أرضا يهرول إليها فيصدم مما رآه
انتهت الحلقه الأولى أتمنى تكون عجبتكم أشوفكم الحلقه الجايه على خير ان شاء الله
غصون_في_مهب_الريح
عبير_سليم 
.....................................
الحلقة الثانية 
غصون في مهب الريح 
بقلميعبير سليم 
.....................
اشتقت إليك فعلمني ألا أشتاق 
علمني كيف أقص جذور هواك من الأعماق
علمنى كيف ټموت الدمعة فى الأحداق
علمنى كيف ېموت الحب وټنتحر الأشواق
تعلمت الحب معك عشقت الحياة لأجلك
أنا لا أستطيع المشي إلا ويدي بيدك
وضعت نبتة حبك في قلبي ولم تقصر في حقها حتى نمت وازهرت واكتفت بك
غصت داخل أعماقي فلم تر عيني سوى عيناك ولم يسمع فؤادي سوى صوتك و لا يقدر على أن يلبي النداء لأحد غيرك
سطرت أحرفي الأخيرة بدموع عشقي و كتبتها بآهات قلبي غبت عن العين ولكن هل لك أن تغيب عن الفؤاد 
إن قلبي لم يعد كما تركك
عيني عميت عن رؤية أحد غيرك
فأين أنت وكيف السبيل إليك أااااه واااه على عقد تفرطت حباته في الهواء تشتت لآلئه في كل أرض