نوفيلا رائعه بقلم عبير سليم

تغير من شكل لبسها و تشتري حاجات عمرها ما كانت بتلبسها قبل كده حتى لما مامتها اعترضت قالتلها ان كل البنات زمايلها بيلبسوا كده و انها عاوزه تعيش حياتها زيهم
مرت الايام و هي ماشيه فنفس طريقها اللي اخرته الله اعلم بيها وليد بيجيبلها هدايا و بيفسحها بالعربيه و اوقات بيعزمها عالأكل في مطاعم غاليه جدا و هي مبسوطه بده حتى اوقات كانت بتقابله فمعاد الدرس و ترجع على نفس معاد رجوعها عشان مامتها متاخدش بالها كانت قافله عقلها مش مديه لنفسها فرصه تفكر في أي حاجه غير انها مبسوطه و بس لحد ما جريت الايام و جه معاد امتحان اخر السنه و كانت تقريبا مش مذاكرة حاجه و لا عارفه حاجه لكن قدرت تغش من صاحباتها و تنجح بالعافيه و ده زعل مامتها منها جدا يالهوي بقى دي درجات تجيبيها يا مريم معقوله يا مريم انتي تجيبي الدرجات دي ده انتي جايبه النص في كل المواد ليه كده يا مريم
مريم اعمل ايه بس يا ماما الامتحانات كانت صعبه اوي ان شاء الله السنه الحايه حنجح و ججيب مجموع كبير يدخلني السن او اقتصاد و علوم سياسيه
زينب ربنا يستر يا مريم 
مريم على فكرة يا ماما الدروس حتبدا الشهر الجاي
زينب حاضر يا مريم 
يروح علي المدرسه و يشوف درجاتها بنفسه و يضايق اوي و لما يكلمها تهاجمه انت مالك يا علي دي درجاتي انا مش درجات حد تاني و انت مش وصي علية عشان تحاسبني كده
زينب انتي اټجننتي ازاي تكلمي علي كده انتي ناسيه انه خطيبك 
مريم لا مش خطيبي يا ماما و انا مش عاوزة لا اتخطب و لا ارتبط انا مش ناقصه فقر انا عاوزه اعيش بقى كفاياني فقر
علي كان مصډوم من الكلام اللي بيسمعه منها مش قادر يصدق و لا يستوعب ان مريم بتقول كده عليه مامتها ضړبتها بالقلم على وشها و دخلت تجري على اوضتها و حاولت تعتذر لعلي لكنه ساب الشقه و مشي
بعد يومين و هو ماشي قابل واحده من بنات الشارع و سلم عليها و فرح عشان درجاتها عاليه وهي استغلت الفرصه و حكت له كل حاجه عن مريم و مشيها مع البنت اللي اسمها ساندي و عن العربيه اللي بتركبها كل يوم و استغربت اوي هو ازاي ميعرفش حاجه زي دي ده كل الطلبه اصلا بيتكلموا عليها و على علاقتها بالولد الغني ده و انهم بيقول انه بيصرف عليها
اټجنن علي و راح شقتهم و نزل خبط عالباب و دخل و واجهها اټهامات على كل اللي سمعه لكنها انكرت و قالت انه محصلش و كدب و انها بتكرههها عشان كده هي قالت عليها كده و امها فضلت ټعيط و تلطم على وشها و مريم تحلفلها انه محصبش اللي بيقول عليه ده و ترميله السلسله الفضه اللي كان جايبهالها و تقوله انها مش عاوزاها و لا عاوزة حاجه منه و لا عاوزه تشوفه تاني و انها مش بتحبه و يبعد عنها 
صدمة على فيها كانت أكبر صډمه فحياته بقى معقوله مريم حب عمره تعمل فيه كده حالة اڼهيار سيطرت عليه افقدته الثقه فنفسه و فكل اللي حواليه حاسس انه جواه ن.. ار قايده مفيش اي حاجه ممكن تهديها وخصوصا لما اتأكد من كل كلمه قالتهاله جارتهم وان مريم بقت سيئة السمعه 
يا ترى ايه اللي حيحصل مستنيين نعرف الفصل الجاي ان شاء الله 
............................
الفصل الثاني
............................ 
تمر الأيام و مريم تقريبا قاعده في البيت مامتها مش بتخرجها اما وليد فامتحن الثانويه العامه و اللي بنفوذ ابوه قدر يعديه و يخله الجامعه اما هي فرجعت لدروسها عشان الثانويه العامه
و فضلت على علاقه بوليد العلاقه اللي اتاكد منها علي كويس لما راقبها و شافهم مع بعض حاول يتكلم معاها وينصحها ان اللي بتعمله ده غلط و انها لازم ترجع مريم زي زمان عشان مامتها و ابوها الله يرحمه لكن هي كانت خلاص مشيت في طريق معندهاش استعداد ترجع عنه 
علي كان نفسه ترجع لنفسها عشان نفسها قبل أي حاجه تانيه لكن رفضها نصيحته و اصراراها عالغلط خلته يبعد عنها و يحاول انه ينساها لأنها خلاص مشيت في طريق مش حتفدر ترجع عنه بسهوله
و فيوم مامتها فتحت شنطها و اكتشفت مساحيق التجميل اللي مخبياها فحاجتها و اللي واضح انها مستعملاها و كمان فتشت في ادراجها لقت فلوس كتير معاها و أول ما رجعت و واجهتها قالتلها انها بتحط مكياج زي صحابها و دي فلوسها محوشاها من مصروفها و مامتها ضړبتها علقة مۏت لدرجة انها حرمتها تنزل نهائي من البيت
لكن صحايها راحوا لمامتها و اقنعوها انها تسيبها تنزل الدروس تاني و انهم حيكونوا معاها و مش حيسيبوها و اضطرت مامتها توافق عشان مستقبلها ميضيعش
و بدات ترجع تقابل وليد تاني