نوفيلا ريم بقلم عبير سليم

يوسف يعمل لها سبوع جميل و الكل يحضر 
و المره دي ريم تلبس طقم شيك و تفاجئ مامتها انها حتروح معاها السبوع 
فاطمه جايه معايا بجد 
ريم طبعا يا ماما جايه معاكي لازم ابارك لمستر يوسف على البنوته دي رنا بتقوللي انه فرحان بيها اوي لازم اشاركه فرحته ببنته
فاطمه ربنا يكملك بعقلك يا ريم يارب و افرح بيكي و بنجاحك و اشوفك من السعداء يارب 
يروحوا السبوع و يباركوا و يقدموا الهديه اللي اخدوها معاهم و ريم تشيل وعد و تبوسها و هي فرحانه بيها اوي ألف مبروك يا مستر 
يوسف الله يبارك فيكي يا ريما 
ريم الف مبروك يا ميس سوزان 
سوزان الله يبارك فيكي يا حبيبتي عقبال ما نباركلك عالنجاح في الثانويه العامه يارب 
يوم جميل الكل جه و شاركوهم فرحتهم ببنتهم و بعد كام يوم اخد يوسف مراته و بنته و رجعوا بيتهم و هما سعادتهم بيها ملهاش حدود و كل تفكيرهم ازاي يوفرولها كل اللي تحتاجه و بيحلموا بيها و هما شايفينها عروسه جميله 
سوزان كانت في اجازة الوضع و يوسف بيروح المدرسه و بيروح شغله في السنتر و يرجع عالبيت جري و هو جايب كل اللي البيت محتاجه و حبه لبنته فاق كل وصف و حبه لمراته ملهوش حدود 
و برغم ان البنت كانت بتسهرها طول الليل لكتها كانت بتحاول متقصرش فحق يوسف و تستقبله بشكل يليق بيه و تحاول تعوضه بوقت جميل عن تعبه في الشغل
يوسف و هي نايمه فحضنه يااه يا سوزي تعرفي يا حبيبتي الوقت اللي بقضيه معاكي بعد ما برجع من الشغل بينسيني كل التعب اللي بشوفه طول اليوم 
سوزان يا حبيبي يا يوسف ربنا يقدرني يارب و اسعدك يا حبيبي 
يوسف حبيبتي انتي وجودك في حد ذاته سعاده لية عمري ما انسي اول يوم جيتيلنا فيه المدرسه اول ما شوفتك و عرفت انك مدرسه جديده جاتلنا المدرسه حسيت ان قلبي بيدق جامد حسيت اني لقيت الحب اللي كنت بدور عليه 
سوزان عشان كده مضيعتش وقت و بعد اسبوعين كنت متقدملي
يوسف ايوه طبعا كان لازم الحق مانا لقيت كل يوم واحده جايبالك عريس كنتي عاوزاني استني لحد لما الاقيكي رحتي مني و اللا ايه
سوزان كنت حتعمل ايه يعني 
يوسف ده انا كنت حعمل
وااااء وااااء 
سوزان هههههههه وعد الظاهر هي اللي عملت يا جو
يوسف هههههه وعد تعمل اللي هيا عاوزاه حبيبتي خليكي انتي تعبتي انا حغيرلها
سوزان لا يا روحي قوم انت خد دش و انا حغيرلها و اديهالك على ما اعملها الرضعه و احضرلك حاجه خفيفه تاكلها
يوسف كفاياكي بقى علف فية ده انا بقيت شبه الفيل ابو زلومه
سوزان احسن بردو انا عاوزاك تبقى شبه الفيل عشان محدش يشوفك و لا يبصلك غيري
يوسف انتي قصدك على مين بقى 
سوزان عالبنات يا مستر يوسف ده انا كنت بشوفهم بعنيه و هما عيونهم عليك و بيتكلموا عن مستر يوسف و شياكة مستر يوسف و جمال مستر يوسف
يوسف طب اهو مستر يوسف بقى بكرش عاجبك كده
سوزان هههههههه ايوة عاجبني ايه رايك بقى
يوسف رأيي انك تعشيني بقى عشان انا فعلا جعت حاضر يا روحي
تمر الشهور و وعد بقى عندها اربع شهور و بقت زي القمر و سوزان بتاخدها باستمرار عند أهل يوسف و ريم اوقات كتير كانت بتروح مع رنا عندهم عشان تشوف وعد و تلعب معاها كانت بتحبها جدا و بتشتريلها من مصروفها حاجات بسيطه لكن ليها معنى كبير مرة تجيبلها برفان للأطفال و مرة تجيبلها توكه حلوة لشعرها و مرة تجيبلها سالوبته رقيقه و يوسف و سوزان يشكروها على اللي بتعمله مع بنتهم و حبها لبنتهم اللي باين عليها جدا و كانت طول ما هي قاعده في البيت تحكي لمامتها عنها و عن حركاتها و تصورها و توريها الصور بتاعتها و فيديوهات ليها و مامتها كانت مبسوطه انها شايفه ان بنتها بتحب بنت يوسف بالشكل ده لكن في نفس الوقت خاېفه يكون حب بنتها للبنت سببه انها لا بنت الراجل اللي بتحبه فحبها ليها راجع لحبها لابوها
انتهت اجازة سوزان و يوسف كتبلها اجازة لمدة سنتين بدون مرتب عشان تراعي البنت كويس و وعد بدأت تلاغي و تعمل حركات جميله خلت الكل يحبها جدا
و فيوم الدنيا كانت بتمطر جامد و يوسف في السنتر و بيتصل على سوزان عشان يشوفها لو محتاجبن حاجه ياخدها معاه و هو مروح عشان مش حيقدر يطلع و يىجع بنزل تاني في الجو ده اتصل بيها كتير لكن للاسف مفيش اي رد منها بدأ يقول لنفسه يمكن تكون نامت جنب وعد يمكن تكون بتاخد دش يمكن تكون يمكن تكون و في الآخر قرر ياخد عربيته و يرجع البيت و بعد كده يبقى ينزل تاني و امره لله 
وصل العماره و ركب الاسانسير و اول ما وصل الدور عندهم سمع