نوفيلا ضي وإبراهيم بقلم عبير سليم

بتقوللي مش عاوزه حد يعرف هاه هاه هاه اني بكلم ها لأن صحابها ملتزمين و مبيحبوش يكون ليهم اختلاط بالشباب و انا هاه هاه احترمت رغبتها 
واحنا في آخر السنه فرابعه في يوم كنا قاعدين في الجنينه كانوا كلهم بيتكلموا سوا وانا كنت ماسك ورقه و بكتب فيها عبارات بخطوط هاه هاه مختلفه كل عباره بخط غير العباره التانيه
بسمه كانت مركزة معايا اوي و انا بكتب إيه ده انت بتكتب بخطوط مختلفه عن بعضها ده مفيش خط شبه التاني مش ممكن انا عمري ما شفت كده
عماد اصل انا بقى يا ستي بعرف ارسم كل الخطوط
بسمه و على كده بقى تقدر تقلد اي خط
عماد طبعا يا بنتي أمال إيه انا بعون الله مفيش خط في الدنيا معرفش اقلده
بسمه يا جامد ده انت بقى على كده بقى ممكن تشتغل مزور 
عماد ايدي على كتفك و احنا نكسب دهب
بسمه لا يا اخويا خلينا ماشيين جمب الحيط احسن 
بسمه بس في خط بقى اتحداك لو عرفت تقلده أو حتى تكتب شبهه
عماد هو فين ده وريهولي و اتحداكي اني حعرف اقلده
بسمه و هي بتفتح الاجنده طب بص كده 
عماد خط مين ده 
فتح الاجنده وبص عالاسم ضي عماد الدين مين ضي دي
بسمه واحده صاحبتي
عماد طب ماتعرفينا عليها
بسمه متخليك معايا بقى وتوريني شطارتك و اشوف بقى حتعرف تقلد خطها و اللا
عماد ايه ده ده خطها غريب اوي انا اول مره اشوف خط بالشكل ده هو مميز اوي بس تعرفي برغم انه جميل جدا بس يزغلل العين و تحس ان قرايته صعبه
بسمه شفت بقى عشان تعرف انك مش حتعرف تقلده
عماد ههه على مين يا ماما حتشوفي حعرف و اللا لاء
و مسك عماد القلم و رسم نفس خط ضي بالظبط 
بسمه مش ممكن مستحيل انت عبقري ده هو نفس خطها دي لو هي نفسها شافته مش ممكن تشك لحظه انه مش خطها
فضل ينهج كتير و مش قادر يتكلم اكتر من كده لدرجة ان مختار اشفق عليه لكنه صمم انه يكمل الحكايه
مرت الأيام و خلصنا سنه رابعه و بعد كده علاقتي انقطعت بيها و كل واحد بقى فطريق مرت سنتين و انا كل يوم في شغله بدور على شغل فكل مكان و مش لاقي لحد ما الدنيا ضاقت بية و مبقاش معايا حتى حق علبة السجاير هاه هاه 
و فيوم لقتها بتتصل علية و بتطلب انها تشوفني هاه هاه هاه و بتعرض علية خدمه اعملهالها و حتديني مقابلها الفلوس اللي محتاجها
خدمة ايه اللي انتي عاوزاها مني دي يا بسمه
بسمه فاكر الخط اللي كنت خليتك قلدته
عماد ايوة فاكر بس طبعا دلوقتي مش فكره بالظبط 
بسمه وانا عامله حسابي اتفضل اهوه 
كل اللي مطلوب منك انك حتكتب نفس الكلام اللي مكتوب هنا بنفس الخط ده 
عماد ايه ده يا بسمه مين ابراهبم ده اللي ضي دي بتقولله انها مبتحبوهوش و بتحب حد تاني
بسمه ملكش فيه بقى اهم حاجه انك تكتب الجواب و حتاخد الفلوس اللي محتاجها 
عماد بس واضح كده ان الجواب ده حيفرق بين اتنين احباب و اكيد حيكون في طرف تالت مستفيد
بسمه بقولك ايه هو اكل و اللا بحلقه انت تعمل اللي مطلوب و في حاجه كمان لو عملتها حديك اد المبلغ ده مره كمان 
عماد حاجه حاجة ايه 
بسمه كمان يومين حتصل عليك و حتقعد تستناني في كافيه معين و انا حمر عليك و معايا واحده تمام و انت حتنادي علينا و كأنك شفتنا صدفه حتمسك فينا تعزمنا على حاجه و انا حخليها تقعد و بعد شويه حعمل نفسي كأن جاتلي مكالمه و حسيبكم مع بعض عاوزاك تحاول تتكلم معاها باى طريقه و يا سلام بقى لو قلتلها نكته و خلتها تضحك عليها يبقى كتر خيرك و بعدها بشويه حرجعلكم تمام
عماد ده انتي عاوزه حد يشوفها معايا بقى صح و اللا ايه
بسمه بالظبط كده و عاوزة اللي يشوفكم يفتكر انكم اتنين عشاق
عماد طب و افرضي اللي شافنا ده جه و عمل معايا مشكله
بسمه امال انا رحت فين اطمن عالآخر 
عماد و الفلوس 
بسمه بعد ما تنفذ و تمشوا حتكون الفلوس عندك قشطه 
عماد قشطه
هاه هاه نفذت كل اللي طلبته مني كتبت الجواب و قابلتهم لكن صاحبتها هاه هاه كانت متوتره و هي قاعده و زي ماتكون اول مرة تقعد مع حد غريب و لما اتصلت عليها و لقتها هاه هاه مبتردش قامت ومشت علطول و بسمه قابلتني بعدها بكام ساعه و ادتني بقية الفلوس و قالتلي كده المهمه خلصت
بعدها بكام يوم حاولت اتصل عليها كتير لقيت تليفونها مقفول هاه هاه و خلاص معرفتش بعد كده اي حاجه عنها و لا شفتها تاني
لحد اليوم اللي اتقابلنا فيه مع ابراهيم و انت في اليوم ده قلتلي ان بسمه تبقى هي مراته و عرفت منك ان ضي تبقى صاحبتها و رحت سالت عن عنوانهم و وصلتلها
و هددتها يا اما تديني فلوس يا حفضحها ادام جوزها و اقولله حكاية الجواب و المقابله خاڤت و ادتني دهبها كله و قالتلي انها حتقول لجوزها انه ضاع منها في البحر 
و من كام يوم كلمتها تاني و طلبت منها فلوس طلبت انها تقابلني في العرييه و قلتلي انها هاه هاه محتاجاني فحاجه تانيه و حتديني مبلغ كبير اني اخلص على ضي صاحبتها عشان حسه ان جوزها بدا يحن ليها و خاېفه يسيبها و يرجعلها تاني 
رفضت وقلتها مش ممكن اعمل كده هاه هاه عيطت كتير و فضلت تتحايل علية اني اساعدها تخلص منها
و احنا بنشد مع بعض في الكلام مشفتش الطريق ادامي و محستش بنفسي غير و انا هنا
انا غلطت و ربنا عاقبني العقاپ اللي استحقه ساعدت في ظلم واحده بريئه زمان و كنت ممكن اعمل حاجه فيها كمان دلوقتي سامحني يارب
يفتح ابراهيم الستاره اللي كان واقف وراها و د موعه مغرقه وشه ومش شايف ادامه يبصلهم و يخرج من غير ما يتكلم 
يخرج وراه مختار بسرعه ابراهيم استنى يا ابراهبم 
إبراهيم سامحها يا ابراهيم هي عملت كل ده من حبها فيك 
إبراهيم غشتني خدعتني عيشتني عمري كله فكدبه
مختار متنساش انها كانت مراتك و ام ولادك و وفضلت تحبك لحد اخر لحظة فعمرها
إبراهيم ده مش حب دي انانيه اللي بيحب حد بيتمناله الخير بيحب يشوفه سعيد لكن هيا شافتني و انا عايش بټعذب و پتألم سنين شافت الۏجع اللي كنت بعانيه ده اذا كان حب فده حب أعمى خلاها مستعده تعمل اي حاجه ايا كانت هي ايه و كل ده عشان خاطر ايه و عشان مين عشان بني ادم طب اهي راحت اهيه استفادت ايه دلوقتي من كل اللي عملته ده 
و كمان مكفهاش كل اللي عملته زمان في ضي كانت كمان عاوزه تخلص منها للدرجه دي هانت عليها صحوبيتهم و عشرة عمرهم للدرجه دي هان عليها الآخره و حسابها عند ربنا طب ولادها مفكرتش فيهم كان حيبقى مصيرهم ايه لو امهم حصللها حاجه كان حيبقى لهم مين في الدنيا لو راحت و سابتهم
ياااه للدرجه دي انا كنت مغشوش فيها انا مش مصدق اني الانسانه دي انا كنت عايش معاها سنين مش قادر أصدق ان كان جواها كل الشړ ده و انا مامن لها و مديها الأمان
مختار اذا كانت هي غلطت فأنت غلطك كان أكبر منها لانك كنت عارف مدى الحب اللي كان بينك و بين ضي ازاي تصدق حتة ورقه من غير ما تسالها ازاي تقول امين على اي كلام اتقال و خلاص من غير ما تسأل و تواجه
إبراهيم بسمه غلطت و ده كان من دافع حبها ليك و عندها مبررها لكن انت غلطك اكبر و للأسف معندكش مبرر للي عملته ربنا يعينك عاللي جاي 
يمشي ابراهيم و هو تايه و يرجع البيت يبص لكل حاجه ادامه و هو بيبكي على سنين عمره اللي قضاها فغش
يمسك صورتها و يكلمها مش عارف ازعل منك و اللا ازعل عليكي الله يسامحك يا بسمه
يخرج من البيت و فجأة يلاقي نفسه بيخبط على بابها
تفتح الباب و تتفاجئ بشكله و هيئته ابراهيم
يفتح الجواب و يحطه ادام عيونها
تمسكه و تقرا كل المكتوب و تبصله باستغراب ده خطي فعلا بس انا مكتبتش حاجه من الكلام ده و اول مره اشوفه
إبراهيم عرفت يا ضي عرفت انك مش انتي اللي كتبتيه بس عرفت متأخر اوي
يحكيلها ابراهيم كل اللي حصل و حكاية بسمه مع عماد و ضي عيونها مش مبطله بكا و هي مش قادره تستوعب ان صديقة عمرها و صاحبتها الوحيده تعمل معاها كده
و يلاقي ابراهيم مختار بيتصل بيه
ايوة يا مختار
مختار عماد اتوفى يا ابراهيم
يقوم ابراهيم و ياخد ولاده فحضنه و يبوسهم و ياخدهم و يمشوا و ضي تقفل وراه الباب و تبكي بكاء شديد
.
بعد مرور عدة سنوات
أصوات اغاني أعياد الميلاد تملاء المكان و الزينه و البالونات تشع بهجه و سعاده
و الجميع حول التورته و التي تحمل صور الأطفال جميعهم هابي بيرث داي تو يو سنه حلوة يا جميل 
ياللا حالا بالا بالا هنوا ابو الفصاد حيكون عيد ميلاده الليله اسعد الأعياد فليحيا ابوالفصاد هييه
إبراهيم و هو بيحضنهم كلهم حبايب قلبي كل سنه وانتوا طيبين يا حبايب بابي
مروان و تاليه و تيم و تيا يحضنوه كلهم و حضرتك طيب يا بابا
ضي زي مانتم كلكم كده عشان اخد لكم صورة
ايناس ياللا اقفي جمبهم يا ضي عشان اصوركم كلكم مع بعض
إبراهيم استني يا انوس ثواني تعالي يا ضي نجيب فريد و فريده من جوة
يدخلوا أولادهم و يبصوا عليهم و هما نايمين ياااه انا مش مصدق اني جبت منك ولاد يا ضي
ضي ربنا كريم اوي يا ابراهيم
إبراهيم بس انتي تعبتيني و عذبتيني كتير لحد ما وافقتي اننا نرجع لبعض
ضي اللي انا عملته ميجيش ذره في اللي انت عملته فية و اللا نسيت
تدخل عليهم و هي بتضحك و الله شكلكم انتوا اللي نسيتوا ان لولايا انا مكنتوش حترجعوا لبعض ابدا
إبراهيم حبيبتي يا انوس ربنا يخليكي لية يارب
بقولك ايه يا جميل ما تتجدعني كده و تجيبيلنا توأم كمان
ضي يالهوي الحقيني يا ايناس اخوكي ابراهيم ده حيجنني ده احنا عندنا نص دسته حنجيب ايه تاني
إبراهيم عاوز اكمل الفريق يا
قلب ابراهيم 
ايناس هه بقولكم ايه ياللا شيلوا ولادكم و تعالوا اصوركم كلكم مع بعض
يحضن ابراهيم ضي من كتفها و عيونهم كلها حب و عشق لبعض و هو شايل فريده و هي شايله فريد و قاعدين ادامه الولاد و قلوبهم كلهم ماليها السعاده و الفرحه و الحب
تمت بحمد الله