رواية رائعه بقلم هاجر علي

قولنالك يلا خدي كأس تاني أهو
لتشرب سما مرة ثانية وهكذا ظلوا يشربون 
حازم تعالوا نرقص 
سما وأمنية في أن واحد إشطه 
ليتجهوا جميعهم لساحة الرقص 
الفصل الثامن
ذهبت سهر لمنزل أميرة كانت تجلس وتحمل إبنته أميرة وهي تدعي چودي 
سهر رحيم عامل إيه دلوقتي 
أميرة الحمدلله بقي أحسن إتخضيت عليه اووي يا سهر 
سهر الحمدلله إنه بقي أحسن وربنا يخليهولك 
أميرة بإبتسامة يااارب چودي إنزلي بقي عشان رجل طنط 
سهر بتسرع لا لا خليها دي عسوله خاالص وكمان طنط إيه يا شيخه كبرتيني
أميرة بضحك ههههه لازم تحترمك برضوا 
سهر يا ستي أنا عايزاها تقولي سهر أو تدلعني عادي 
چودي بطفوله يعني أقولك يا سوسو 
چودي موجهه حديثها لوالدتها هي إللي قالت يا مامي أقولها سوسو 
أميرة ماشي يا ستي خلاص 
سهر وتنظر لساعة يديها ياا الوقت خدنا أنا هامشي بقي 
أميرة ليه خليكي شوية 
سهر لا خلاص كفاية كده أنا برضوا سايبه تيتا لوحدها في البيت 
أميرة بتفهم لولا تيتا كنت قعدتك بالعافيه 
سهر بإبتسامة إن شاء الله هجيلك تاني وإنت بقي إللي هاتي الكتاكيت دول وتعالي وبالمره تتعرفي علي تيتا دي هتحبهم اووي 
أميرة إن شاء الله هجيلك 
سهر وتقوم من مجلسها وتقوم بتقبيل چودي في وچننتيها وفعلت هذا مع رحيم ثم صافحت أميره وذهبت 
وصلت لمنزلها ودلفت للداخل لتجد عمها جالس ولم تجد جدتها  عقدت حاجبيها بإستغراب 
سهر عمي !!!
صلاح بحزم كنت فين 
سهر بهدوء كنت عند أميرة بطمن علي إبنها عشان كان تعبان 
إقترب منها پغضب ليمسكها من معصمها بشدة 
صلاح إنت ما أستاأذنتيش مني هو إنت طالما إشتغلتي هتمشي علي حل شعرك 
ترقرت الدموع في عينيها 
سهر إيه ياعمو الكلام إللي حضرتك بتقولهولي ده إنت عارفني كويس حضرتك اللي مربيني وواثق فيا 
صلاح پحده إنت بتردي عليا ما ترديش عليا مافيش خروج غير لما تستاذني فاهمه 
ليتركها ويذهب بينما هي سالت دموعها علي وچنتيها پقهر وقامت بتفريق معصمها بۏجع لتسمع صوت جدتها يناديها لتقوم بمسح أعينها سريعا وإتجهت نحو غرفته جدتها لتجدها متسطحة علي فراشها 
سهر أيوه يا تيتا
الجدة إيه يا بنت في إيه وإيه الدوشة إللي بره دية
إبتسمت لها سهر ما تشغليش بالك يا تيتا ده عمو كان بيتكلم معايا عشان أنا أتأخرت شوية 
الجدة بشك هو عملك حاجه
سهر بنفي لا لا 
الجدة ماشي المهم حمدالله علي سلامتك 
سهر الله يسلمك يا تيتا 
الجدة أخبار أميرة إيه وإبنها 
سهر بإبتسامة الحمدلله يا تيتا إبنها كويس وهي كمان و بتسلم عليكي كتير وإن شاء الله هتنزل الشغل بكره
الجدة بإبتسامة الله يسلمك ويسلمها طب يا حبيبتي علي خير 
سهر إنت حابة تتعشي دلوقتي يا تيتا 
الجدة لا يا حبيبتي إعمليلي كوباية لبن هشربة وأخد العلاج وهنام عشان مش قادرة هاكل
سهر طب عشان خاطري أعملك ساندوتش جبنه معاه ونامي 
الجدة بإبتسامة ماشي يا حبيبتي 
سهر طب أنا هروح هسخنلك اللبن وأعملك الساندوتش
الجدة لا يا حبيبتي روحي دلوقتي خدي شاور كده عشان ترتاحي وبعدها إبقي إعملي اللبن وأنا هستناكي هصلي ركعتين عقبال ما تخلصي 
سهر بحب حاضر يا قمر 
لتقوم بتقبيل چبنيها وساعدتها علي الجلوس لكي تصلي ركعتين ثم ذهبت هي لغرفتها وجهزت ملابسها ثم سارت بإتجاه المرحاض لكي تنعم بحمام دافئ 
بعد مدة إنتهت من حمامها لتخرج وهي ترتدي منامتها الطفولية وقامت بتجفيف شعرها وإتجهت للمطبخ وأعدت اللبن وبعض السندوتشات وذهبت لغرفة جدتها 
سهر وهي تضع الصنية أحلي كوباية لبن لأحلي تيتا في الدنيا 
ضحكت الجدة علي حديثها لتعطيها سهر الكوب فأخذته منها 
الجدة قوليلي بقي يومك كان ماشي إزاي إنهاردة 
سهر الحمدلله كان كويس وكان عندنا إجتماع 
الجدة بخبث طب كويس ومستر هيثم عامل إيه 
سهر وقد فهمت أمرها الحمدلله كويس وإللي باسطني إني بقيت أفهم الشغل كويس
الجدة ربنا يوفقك يا حبيبتي ويكرمك ياارب وأطمن عليكي بقي وربنا يرزقك بإبن الحلال وأطمن عليكي في بيتك 
سهر بتنهيدة إن شاء الله يا تيتا ربنا يخليكي لياا ياارب 
سهر ألووو
أميرة أيوه يا سهر أنا بتصل عشان أنا اطمن عليكي أنا عارفة إنك وصلتي بس قولت أكلمك شوية عشان تكوني حضرتي لجدتك العشا وإرتاحتي
سهر أيوه أنا حضرت لتيتا العشا وظبط الدنيا الحمدلله 
أميرة بإبتسامة طب كويس بصراحة أنا كنت مبسوطة جدا وما كنتش عايزاكي تمشي من عندي إنت والله ونعم الاخت ربنا يديم المحبه ما بينا 
سهر ربنا يخليكي ويديم المعروف ما بينا هستناكي بقي بكرة في الشغل ونفطر مع بعض 
أميرة تمام يا حبيبتي إن شاء الله يلا بقي أسيبك تريحي عشان إنت تعبتي إنهاردة 
إبتسمت سهر ماشي يا
ميرو يلا عايزه حاجه 
أميرة لا يا حبيبتي سلامتك تصبحي علي خير 
سهر وإنت من أهل الخير وبوسيلي عيالك كتير 
أميرة بضحك ماشي يا سوسو يوصل 
لتغلق الخط ليرن هاتفها مره أخري لتجيب سريعا 
سهر ألو يا نهي 
نهي أيوه يا سهر عاملة إيه 
سهر وقد تذكرت مافعله عمها بها لتقول بحزن أنا تمام قوليلي عمو عامل إيه دلوقتي أنا والله نسيت أقوله إني رايحه أشوف أميرة ڠصب عني  وكمان قالي كلام ماكانش ينفع يقولوا يا نهي 
نهي وقد تفهمت لتتنهد بعمق هو فعلا متنرفز أووي بس كان خاېف عليكي
تنهدت سهر عارفة يلا الحمدلله قوليلي أخدت الأجازة
نهي بفرح خلاص كتبت علي الأجازة خلاص جهزي نفسك عشان هننزل بكرة نجيب الفستان 
سهر بفرح بجد طب كويس خلاص إن شاء الله بعد الشغل نروح
نهي خلاص تمام نتقابل بكرة هيجيلك أنا ومازن ولا إيه رأيك ما نأخدش مازن معانا ونخليها مفاجأة 
سهر بإبتسامة
 خلاص ماشي دي فكرة حلوة جدااا 
نهي بمرح خلاص أنا هتهرب منه وأجيلك أنا لوحدي ونروح نشوف الفستان
سهر تماام طب هتيجي معانا سما 
نهي بلا مبالاه سيبك منها ما إنت عارفاها لو قولنلها هتقولك مش فاضيه هنروح إحنا وكده كده هتبقي تشوفة 
سهر خلاص ماشي 
نهي يلا بقي هسيبك عشان الشغل وتلحقي تناميلك كويس 
سهر تمام يلا تصبحي علي خير 
نهي وإنت من أهل الخير 
لتغلق الخط وتتنهد ثم تسطحت علي الفراش ودثرت نفسها تحت الغطاء فجأه لاحت صورته أمامها لتتذكر إنها كانت قريبه منه بشدة ورائحه عطرة المميزة وبعد مدة من التفكير ذهبت في سبات عمييييق 
بعد منتصف الليل 
كانت تقف سياره وبها سما وهي بعالم أخر 
سما بسكر إوبااا إحنا وصلنا 
مصطفي ضحك أيوه إيه مش هتطلعي 
سما هو أنا لازم أطلع 
مصطفي وهو يغمز لها والله لو مش عايزه نقضي السهرة عندي 
سما بنفي لا لا كده هتاخر تاني وماما وبابا يزعقوا 
ضحكوا علي حديثها لتقول أمنية بسكر والله مش عارفة أروح إزاي 
حازم تعالي عندي وريحي دماغك 
أمنية إنت صح أنا هاجي فعلا عشان مش ناقصه ۏجع دماغ 
مصطفي يابن المحظوظة هتخربها إنت 
سما بعدم فهم ويخربها إزاي
مصطفي لا ما هو مش كده بصي أنا هفهمك ده بعدين إنت ت تشاو ياروحي 
سما غير واعية لما حدث لتنزل من السياره وهي تترنج يمينا ويسارا 
مصطفي هساعدك 
سما وهي تهز رأسها لا لا أنا أعرف أطلع لوحدي 
لتتجه نحو الدرج وهي تتمايل وكادت أن تسقط كثيرا لكن تلحق نفسها وقفت أمام الشقه وجلبت مفاتيحها بصعوبة لتفتح الباب ببطئ حتي لا يستيقظ أحد ويراها هكذا لتتسلل لغرفتها ببطى وما إن وصلت وأغلقت الباب ثم أسقطت نفسها علي فراشها لتذهب للنوم سريعا دون أن تبدل ملابسها 
في قصر عز الدين 
كان يجلس علي فراشة ممسكا بكتابة ليقرأ فيه ويرتدي نظارته الطبية فجأة قطعه رنين هاتف ليجلبه وقام بالرد 
هيثم ألو
إيه يا وحش عامل إيه 
هيثم بإبتسامة نادر ليك واحشه والله أنا تمام الحمدلله وإنت عامله إيه 
نادر تمام الحمدلله 
هيثم أيه مش كفاية كده مش ناوي تنزل 
نادر إن شاء الله قريب يا صاحبي المهم أخبارك إيه واخبار الشغل 
هيثم الحمدلله والشغل مستنيك 
نادر بضحك  هههه عارف انك هتقولي كده أنا إن شاء الله نازل وهستقر هنا مش هرجع 
هيثم بفرح بجد !!! ياا أخيرا 
نادر أيوه يا عم إفرح بقي 
هيثم تيجي بالسلامة إن شاء الله قولي هتيجي إمتي
نادر بحب الله يسلمك يا صاحبي بص لسه ما حددتش لما أحدد أبقي أقولك 
هيثم تمام 
جلسوا يتحدثوا في أمور عديدة فنادر يكون صديق لهيثم تعارفا علي بعضهم في الجامعه وأصبحوا أصدقاء بشدة ولكن نادر ترك هيثم وغادر مع والده لأن والده يمتلك شركة في الخارج فقرر والده أن يديرها هو 
بعد أن إنتهوا أغلق الهيثم الخط ثم خلع نظارته ووضع كتابه ونظارته علي الكومود وتسطح علي الفراش ليذهب للنوم 
في صباح يوم جديد 
كانت نائمة لا تعيئ لشئ حولها دلفت والدتها لغرفتها وإتجهت نحو فراشها لتيقظها 
ماجدة سمااا قومي يا سمااا إتأخرتي علي الجامعه 
سما بنعاس يا ماما سيبني دماغي مصدعة مش قادرة أقوم 
ماجدة بتساؤل طب مش هتروحي الجامعة 
سما لا مش هروح إنهاردة
نظرت علي ملابسها لتجدها بملابس الخروج 
ماجدة بتساؤل إنت ماغيرتيش لبسك إنت جيتي الساعة كام إمبارح
سما بتأفف يا ماما سيبيني بقي لما أقوم أبقي أقولك 
تنهدت ماجدة وقررت أن تتركها لتخرج وتجد صلاح جالس علي السفرة وبجانبه نهي لتقترب نحوهم ثم جلست 
صلاح بتعجب إومال فين سما ما صحتهاش ليه عشان تفطر وتلحق تروح الجامعه
ماجدة بتقول مش قادرة تروح وشكلها تعبان سيبتها تنام 
تفهم صلاح ليقوم من مجلسه 
صلاح الحمدلله يلا أنا رايح الشغل عايزين حاجة 
نهي وماجدة سلامتك 
ليتركهك ويذهب للشركة 
في منزل سهر 
إستيقطت سهر وقامت بإعداد الفطار وتناولت مع جدتها وإرتدي ملابسها ثم ذهبت للشركة لتقابل أميرة ويدلفا سويا وما إن وصلا لمكتبهم وبعد قليل جاء هيثم وقام بالصباح عليهم 
هيثم برزانة صباح الخير 
قاموا بالصباح عليه ليكمل حديثه وهو ينظر لأميرة 
هيثم حمدالله علي السلامة مدام أميرة إبنك عامل إيه دلوقتي 
أميرة بإبتسامة كويس الحمدلله بقي أحسن
هيثم لو كده كنت عادي قعدتي معاه ما كنتيش سيبتيه
هزت أميرة رأسها نافية 
أميرة لا كفاية كده عشان الشغل وكمان مش عايزه أخلي سخر تتعب معايا كفاية شغلها 
هيثم وهو ينظر لسهر فعلا سهر تعبت إمبارح وبقت كويسة جدا في الشغل
نظرت له ثم لاحت إبتسامة هادئة علي ثغرها بخجل 
أميرة ما