نوفيلا ضي وإبراهيم بقلم عبير سليم

لاء انا متاكد اني شفتك في مكان غير الكليه 
ياخد القعده معاهم و يمشي و يسيبهم قاعدين 
عماد واضح انه ابن ناس اوي 
مختار ابراهيم ده كان من اكتر الشبان المحترمين في الجامعه و طول عمره فعلا ابن ناس و محترم عارف متجوز مين 
عماد مين 
مختار فاكر البنت اللي كانت معانا في الجامعه اللي كان اسمها بسمه اللي كانت بتقف معاك كتير في الجامعه
اللي كانت قصيره و بيضه و شعرها طويل دي
عماد بسمه ايوة فاكرها طبعا 
مختار اهي بسمه دي بقى تبقى مراته 
عماد يعني هما كانوا مرتبطين من و هما في الجامعه بقى على كده 
مختار لاء يا سيدي هو في الجامعه كان مرتبط بواحده زميلته و كان بيحبها و بيعشقها و انا نفسي أول ما شوفته قلتله إنهم أكيد اتجوزوا بعض لكن اتفاجئت بيه بيقوللي انه اتجوز بسمه مع ان بسمه دي كانت صاحبة حبيبته أوي تصدق ان من وقت ما حكالي إنه ساب حبيبته و اتجوز بسمه دي و انا حاسس إني بحلم و الله مامصدق
عماد هي حبيبته دي كان اسمها ايه
مختار ضي
عماد ضي 
مختار أيوة انت تعرفها 
عماد لا بس متهيألي اني سمعت الاسم ده قبل كده 
مختار أيوة أكيد طبعا سمعته من بسمه مانا بقولك انهم كانوا صحاب أوي و في الآخر أخدت حبيبها منها و اتجوزته الدنيا دي غريبه اوي يا راجل ده مبقاش في أمان لحد 
و الغريبه بقى إنه بيقول ان ضي هي اللي سابته و حبت واحد غيره 
عماد يعني بسمه اتجوزت ابراهيم ده و خلفت منه و عايشه فعزه
مختار طبعا ده معيشها هانم 
عماد و على كده بقى هو ساكن فين
مختار ساكن في لوران 
عماد متعرفش فين في لوران بقى على كده 
مختار لا معرفش بس هو انت بتسال ليه 
عماد لا أبدا حب استطلاع مش اكتر 
مختار أكيد عالبحر لأن إبراهيم طول عمره بيحب البحر اوي
يرجع إبراهيم البيت و بسمه تلاقيه بيتعامل معاها بشكل عادي قلبها يطمن و تحاول تجره في الكلام عشان تعرف إيه الكلام اللي دار بينهم لكن ابراهيم يقوللها انه تعبان و عاوز ينام 
تاني يوم الصبح يخرج ابراهيم كالعاده لشغله و الولاد لمدرستهم و بسمه دماغها ۏجعاها من كتر التفكير و قلة النوم و فجأة تلاقي الأمن تحت بيتصل ترفع السماعه أيوة يا محمد 
محمد مدام بسمه هو حضرتك كنتي طالبه اوردر
بسمه اوردر انا مطلبتش حاجه 
محمد بس في واحد هنا معاه بوكس و بيقول ان حضرتك طالباه
بسمه واحد مين ده
محمد اسمه عماد الجندي 
تحس بسمه ان قلبها حيقف من الرع. ب و تقول لمحمد يخليه يطلع 
تفتحله الباب و تقف ادامه و هي مش قادره تتلم على اعصابها أيوة حضرتك مين 
عماد هه معقوله مش فاكراني معداش سنين كتير اوي يعني 
حتدخليني و اللا تحبي نتكلم عالباب و الكل يسمع 
بسمه اتفضل ادخل 
يدخل عماد و هو بيبص للشقه اش اش ايه ده كله يا بسمه ايه العز ده كله و احنا بقى ملناش في العز ده و اللا إيه 
بسمه انت عاوز ايه و ايه اللي جابك هنا 
عماد اللي جابني القدر اللي سبحان الله جه لوحده من غير ما اروحله و لا حتى ادور عليه بس تصدقي مصدقتش اني حوصلكم بالسهوله دي كنت فاكر نفسي حتعب اوي على ما اوصل لكن واضح كده ان ابراهيم صيته بقى مسمع 
بسمه اخلص عاوز ايه قول و خلص الأمن تحت حيقولوا ايه لو اتاخرت عندي 
عماد عادي البضاعه معجبتكيش و كنت بقنعك بيها زي ما نتي كده اقنعتي المحروس جوزك بيكي 
بصي بقى من غير كلام كتير العز ده كله انا لية فيه لأن من غيري عمرك ماكنتي حتبقي هنا و لا كان حيكون ليكي وجود من أساسه 
بسمه انت بتقول ابه بتتكلم عن ايه انا مش فاهمه 
عماد إيه نسيتي على رأي المثل ان كنتوا نسيتوا اللي جرا هاتوا الدفاتر تنقرا و لو نسيتي افكرك يا بسمه 
بسمه ياريت انت اللي تفتكر انك اخدت حقك و زياده 
عماد هه لا يا حلوة انتي وقتها عيطيلي و صعبتي علية و انا من هبلي صدقتك لكن اللي عرفته بقى انك ضحكتي علينا كلنا مش علية لوحدي و لبستينا كلنا العمه و اولهم جوزك 
بسمه انت عاوز ايه خلصني و قول
عماد مية الف جنيه 
بسمه ايه انت اټجننت بتقول ايه و اجيبهملك منين دول
عماد مليش فيه تجيبيهم منين ما تجيبيهم و خدي بالك دي الدفعه الاولى و اللي جاي لسه اه ما هو يا فيها ويا اخفيها و يا اما تسمعي الكلام كده و تبقي حلوة يا اما هو مشوار صغير لحد جوزك و نحكيله بقى الحكايه القديمه و كل حاجه تنكشف و تبان و تبقى على عينك يا تاجر و شوفي بقى وقتها انتي حتبقي فين و ضي حتبقى فين
بسمه بس انا و الله ما معايا المبلغ ده
عماد يمسك ايدها افتكر الدهب اللي في ايدك ده يجيب المبلغ و زياده كمان
بسمه دهب دهب ايه ده دهبي و اقول لجوزي إيه 
عماد اتصرفي يا بسمه ده انتي ام التصريف و التدبير قوليله ضاعوا حد ثبتك أي حاجه المهم ادامك يومين و حتصل عليكي قابلتيني و اديتيني الفلوس كان بيها و يا دار ما دخلك شړ و حيفضل بؤي ده مقفول عملتي من بنها تبقي انتي اللي جنيتي على نفسك و علية و على اعدائي
عقلك في راسك تعرفي خلاصك 
هاه قولتي ايه يا جميل 
.
الفصل الخامس
سارقة عشقي
عبير سليم
.
يرجع البيت فيتفاجأ بها تبكي بشده بسمه انتي بټعيطي مالك في ايه حصل ايه يا بسمه
بسمه حصلت حاجه لو عرفتها حتزعل اوي يا ابراهيم
إبراهيم حاجه حاجة ايه قلقتيني قولي يا بسمه في ايه الله يخليكي
بسمه دهبي يا ابراهيم راح كله
إبراهيم دهبك راح ازاي مش فاهم
بسمه مش أنا قلتلك الصبح اني حاخد الولاد و حنزل بيهم البحر
إبراهيم أيوة
بسمه لما رحنا البحر معرفش ليه خفت انزل المياه بالدهب احسن يقع مني في المياه قمت قلعته كله و حطيته في الشنطه و وصيت الناس اللي كانوا قاعدين جنبنا يخلوا بالهم عالحاجه و خدت الولاد و نزلنا و لما طلعت لقيت الشنطه مفتوحه و ملقتش دهبي و الناس اللي كنت موصياهم ملقتهمش و قعدت اسأل كل اللي قاعدين و كله قاللي مشفناش حاجه
إبراهيم لا حول ولا قوة الا بالله خلاص يا بسمه قدر الله وما شاء فعل قولي اللهم أجرني في مصېبتي و اخلفني خيرا منها الحمد لله انها جت على اد كده و انك انتي و الولاد بخير يمكن يكون كان حيحصل لحد فيكم حاجه وحشه و ربنا فداكم بالدهب ده الحمد لله انها جت على اد كده
بسمه بس ده كان دهبي كله يا ابراهيم
إبراهيم ربنا يقدرني و اجيبلك غيره ان شاء الله
بسمه بس انا زعلانه اوي يا ابراهيم
إبراهيم زعلانه ليه مانتي السبب يا بسمه ما ده حصل بسبب سوء تصرفك الأولى انك كنتي سيبتيه هنا في البيت مش تسيبيه في شنطه و تنزلي ما اكيد حد شافك و ما صدق انك نزلتي و راح خادهم بقولك ايه خلاص انا راجع من الشغل تعبان و مش قادر قفلي عالسيره دي خلاص مش عاوز كلام كتير انا داخل اغير هدومي و اخد دش على ما تكوني حضرتيلي الغدا
بسمه حاضر يا حبيبي ربنا يخليك لية يا حبيبي يارب
يدخل ابراهيم الأوضه و بسمه تحط ايدها على صدرها الحمد لله عدت على خير
يمر اليوم و بسمه تحاول ترسم الحزن على وجهها و ابراهيم يطمنها انه حيجيبلها غيره
في اليوم التالي يستيقظ ابراهيم من نومه و يتفاجئ على جروب الشركه بنعي لۏفاة والدة ضي فينادي على بسمه بسمه يا بسمه
بسمه أيوة حبيبي عاوز حاجه
إبراهيم ضي مامتها اټوفت
بسمه طنط كريمه ربنا يرحمها يارب بس انت عرفت منين 
إبراهيم كاتبين عالجروب عندنا 
مش واجب بردو تروحي تعزيها و تقفي جمبها
بسمه و انا اروح اعزيها ليه أن شاء الله
إبراهيم تروحي تعزيها عشان انتوا فيوم من الأيام كنتوا صحاب و تقفي جمبها لانك عارفه انها ملهاش حد
بسمه ابراهيم انت ايه حكايتك بالظبط انا مليش دعوة بيها و انت عارف ان اللي بيننا راح من سنين تبقى عاوزني اروحلها ليه هاه و اللا هي تماحيك و خلاص
إبراهيم تماحيك
بسمه أيوة تماحيك و قول بقى بالمره انك عاوز تيجي معايا و كلمه فحدوته الحب القديم يرجع تاني 
إبراهيم إيه اللي انتي بتقوليه ده حب ايه و زفت ايه أمال لو مكنش كل حاجه حصلت كانت على ايدك و اللا نسيتي 
بسمه انا لا نسيت و لا عمري حنسى انت اللي شكلك نسيت 
بس لو كنت نسيت افكرك 
افكرك بأنها هيا اللي باعتك و سابتك و قالت إنها مبتحبكش و انك انت اللي كنت بتحبها 
افكرك اني فضلت جمبك و استحملت كتير و جيت على مشاعري وكرامتي كتير عشان اكون جمبك و اقدر انسيهالك زي ما وعدتك 
إبراهيم و انا مش ناسي يا بسمه مش ناسي و عمري ما حنسى 
بسمه يبقى خلينا فحالنا يا ابراهيم خلينا فحالنا و نربي ولادنا احسن و الأفضل لينا انك تعمل اللي طلبته منك و تنقلها من ادامك تبعدها عنك و عن حياتنا يا ابراهيم لأني مش حسمح لها مهما حصل انها تدخل حياتنا بأي شكل من الأشكال ياريت تكون فاهمني كويس
يسيبها ابراهيم و ينزل و يروح على بيتهم علطول يوصل البيت يلاقي الرجاله راصين كراسي في الشارع و قاعدين و يسمع صوت العياط عالي اوي و المكان واضح عليه الحزن الشديد يسلم عالناس و يعزيهم و يلاقي نفسه عاوز يطلعلها و يعزيها
يطلع فوق و يتفاجئ بأخته انها موجوده عندها ايناس انتي هنا 
ايناس جيت من شويه 
إبراهيم هي اټوفت امتى 
ايناس اتوضت عشان تصللي الفجر و يا دوب وقفت على سجادة الصلاه قابلت وجه كريم 
إبراهيم كانت تعبانه 
ايناس لا ابدا و الله دي كانت زي الفل مفيهاش حاجه 
إبراهيم ربنا يرحمها يارب طب هو انا ممكن اعزي ضي 
ايناس طب تعالى ادخل عشان هي حالتها صعبه أوي و مش حتقدر تخرجلك
يدخل معاها و هو محرج من الستات اللي قاعدين